لیویز پر حملہ اور اسلحہ چھیننے کی کوشش، جمعیت علماء اسلام (ف) کی ذیلی تنظیم انصارالاسلام کے خلاف بڑا قدم اُٹھا لیا گیا

 کوئٹہ(نیوز ڈیسک) دکی میں انصار الاسلام کے کارکنوں کے خلاف لیویز تھانہ میں مقدمہ درج کرلیا گیا۔ لیویز ذرائع کے مطابق دکی میں انصارالاسلام کے کارکنوں اورلیویز کے درمیان جھڑپ کا مقدمہ دکی لیویز تھانہ میں انچارج لیویز تھانہ عبدالنافع کی قیادت میں زیر دفعہ147،148،149،188،186،353،504،506 کے تحت درج کرلیا گیا مقدمے میں انصارالاسلام کے مولوی شمس الدین،حافظ امین سمیت دیگر 250سے زائد افراد کو نامزد کیا گیا ہے، یاد رہے کہ گزشتہ روز لیویز نے انصار الاسلام کے کارکنوں کو ناکے پر روکا تو ا س دوران انصارالاسلام کے کارکنوں نے مبینہ طور پر لیویز اہلکاروں سے اسلحہ چھیننے اور ہلہ بولنے کی کوشش کی۔ اس موقع پر لیویز اہلکاروں نے ہوائی فائرنگ کرکے مشتعل ہجوم کو منتشر کیا۔