عثمان بزدار پنجاب کی تاریخ کا پہلا وزیراعلیٰ ہے جس نے 54ترجمان رکھے،عظمیٰ بخاری

 لاہور (آن لائن)مسلم لیگ(ن) پنجاب کی ترجمان عظمیٰ بخاری نے کہا ہے کہ عثمان بزدار پنجاب کی تاریخ کا پہلا وزیراعلیٰ ہے جس نے 54ترجمان رکھے۔لیکن سب کے سب ترجمان نالائق اور انڈٹریننگ وزیراعلیٰ کو کا دفاع کرنے میں ناکام رہے ہیں۔ عثمان بزدار اگر ڈلیور کرے تو بیچارے ترجمان بھی قوم اور میڈیا کو کچھ بتانے کے قابل ہوں۔عثمان بزدار نے تین سال صرف اپنے رشتے داروں اور فرنٹ مینوں کو نوازنے میں ہی گزارے ہیں ۔فیاض چوہان تین بار نوکری جانے کے بعد شاید ہی ریگولر ہو جائیں۔

لیکن پنجاب کابینہ میں آج بھی کچھ لوگ فیاض چوہان کو بطور ترجمان دیکھنا نہیں چاہتے۔ عظمیٰ بخاری نے مزید کہا عثمان بزدار بھی اپنے قائد عمران خان کے نقشے قدم پر چلتے ہوئے پرانی کہانیاں دوبارہ یاد کرتے ہیں۔حکومت کا تعمیری نہیں تباہی اور بربادی ایجنڈا ہے۔حکومت کے پاس اب ہمدردی اور عوام کو ورغلانے کیلئے کوئی ایشو نہیں رہا۔تین سالوں سے عمران خان اور انکے ترجمان جھوٹ بول بول کر تھک چکے ہیں۔ایک کروڑ نوکریاں اور پچاس لاکھ کا وعدہ مرغیوں اور کٹوں کی تقسیم کی صورت میں پورا ہوا ہے۔عمران خان کے پاس جب کرنے کو کچھ نہیں بچا تو کبھی کسان کارڈ،کبھی مزدور اور کبھی لوٹ مار کارڈ مارکیٹ میں لے آتے ہیں ۔