جرمنی نے 2400افغان ملازمین کو ویزے جاری کر دیے

جرمنی نے 2400افغان ملازمین کو ویزے جاری کر دیے

texas auto insurance, cheap car insurance quotes, international health insurance, auto insurance florida, term life, state auto insurance, progressive insurance, american auto insurance, renters insurance, american car insurance companies, car insurance california, auto insurance usa, burial insurance, auto insurance companies in usa, insurance companies in texas, insurance companies in usa, business insurance

Sponsored Links

 برلن(این این آئی) جرمن حکام نے کہاہے کہ انہوں نے ملک کی فوج کے 2 ہزار 400 افغان ملازمین اور ان کے رشتہ داروں کو ویزے جاری کردیے ہیں، تاہم ان میں سے تمام فوری طور پر جرمنی نہیں آنا چاہتے۔غیر ملکی خبر رساں ایجنسی کی رپورٹ کے مطابق افغانستان میں امریکا کے بعد دوسرا بڑا دستہ رکھنے والی جرمن فوج نے، جس نے 20 سال تک ملک کے شمال پر توجہ مرکوز رکھی، اپنا آخری دستہ بھی گزشتہ ہفتے افغانستان سے بلا لیا ہے۔اپریل میں جرمن وزیر دفاع اینگریٹ کرامپ کرینبر نے کہا تھا کہ جرمنی کی یہ بڑی ذمہ داری ہے کہ وہ غیر محفوظ مقامی افراد جنہوں نے خود کو خطرے میں ڈال کے فورسز کی مدد کی، انہیں تنہا نہ چھوڑا جائے۔وزارت خارجہ کے ترجمان رائنر بریول نے کہا کہ حالیہ ہفتے مقامی ملازمین اور ان کے اہل خانہ کے لیے 2ہزار 400جرمن ویزوں کی منظوری دی گئی ہے۔انہوں نے تسلیم کیا کہ افواج کے انخلا اور مزارِ شریف میں واقع جرمن قونصل خانے کو بند کرنے کا مرحلہ دشوار ہے، لیکن انہوں نے کہا کہ برلن، بین الاقوامی ادارہ برائے مہاجرین جیسے پارٹنرز کے ساتھ مل کر کام کر رہا ہے۔انہوں نے مزید کہا کہ سیکیورٹی کی صورتحال کے باعث دفتری کام تاحال شروع نہیں کیا گیا ہے۔ترجمان جرمن وزارت دفاع ڈیوڈ ہیلمبولڈ نے کہا کہ فوج بلانے سے قبل 446 مقامی ملازمین اور ان کے اہل خانہ سمیت مجموعی طور پر 2 ہزار 250 افراد کو سفری دستاویزات دی گئی ہیں۔انہوں نے مزید کہا کہ اب نسبتا کم درخواستوں کی ہی گنجائش باقی ہے۔ڈیوڈ ہیلمبولڈ نے برلن میں رپورٹرز سے بات کرتے ہوئے کہا کہ جن افراد کو یہ کاغذات موصول ہوئے ان میں سے تمام افراد جلد وطن چھوڑنا نہیں چاہتے ہیں۔ان میں متعدد ملازمین ایسے ہیں جنہوں نے کہا کہ جب تک ممکن ہوا وہ افغانستان میں رہنا چاہتے ہیں اور سیکیورٹی صورتحال خراب ہونے پر وطن چھوڑیں گے۔انہوں نے کہا کہ وہ جلد وطن نہ چھوڑنے والے افراد کی تعداد نہیں بتا سکتے ہیں۔گزشتہ ہفتے امریکی فوج نے افغانستان میں اپنی سب سے بڑی ایئربیس خالی کردی تھا اور پینٹاگون نے کہا تھا کہ حتمی انخلا اگست کے آخر تک مکمل ہوگا۔افغانستان سے غیر ملکی افواج کے انخلا کا عمل بڑی حد تک مکمل ہوچکا ہے اور جرمنی سمیت بہت سے اتحادیوں نے رواں ہفتے اپنی فوجیں واپس بلالی ہیں۔